أمير مرتضى اول قرار من مجلس الزمالك ضده ويؤكد صرفت ملايين من جيبى ورفضت اشتغل فى أندية ثانية
30 مارس 2024 الساعة 7:04 صباحا![اخبار الزمالك - أمير مرتضى اول قرار من مجلس الزمالك ضده ويؤكد صرفت ملايين من جيبى ورفضت اشتغل فى أندية ثانية](https://images.akhbarelzamalek.com/news_images/2024/03/30/1711775073.jpg.webp)
أمير مرتضى منصور: متعلق لي ورقة اني مدخلش نادي الزمالك وأيامنا منعنا ناس من الدخول
كشف أمير مرتضى منصور، المشرف السابق على الكرة بنادي الزمالك، عن سبب منصبه في نادي الزمالك قائلًا: "انا طيب وشرير في نفس الوقت وبيطلع ده مع اللي يستحق، موضوع اني كنت ظابط او محامي وماليش علاقة بالكورة، ده موجود في كل العالم، وعندنا معظم اللي بيلعب كورة مبيهتموش بالدراسة، وده هنا وبرا مصر، والاساطير كلها كده، امثلة محمد صلاح وكريستيانو مثلًا، دول مانعرفش خريجين ايه، لكن أساطير في مجالهم، ومفروض يكون فيه حد متعلم كويس يدير، وهتلاقي المعادلة دي موجودة اوي في الهاند بول، معظمهم خريجي هندسة وطب".
وقال أمير مرتضى، خلال استضافته ببرنامج "أسرار" مع الإعلامية أميرة بدر المذاع على قناة النهار: "الكورة بقى هي اللي بتاخد من التعليم، وأنا كنت من ناشئين الزمالك ونفس جيل شيكابالا، وكنت لعيب شاطر، لكن كان عليا ضغوط كبيرة، وده بسبب ان والدي كان نائب رئيس الزمالك، وده كان ضغط عليا لان الكل عارف ان ابويا رقم 2 في الزمالك ، وكنت هتعامل معاملة خاصة سواء ايجابية او سلبية، وده أثر عليا".
وأضاف أمير مرتضى قائلًا: "انا في قطاع الناشئين كان مجلس الإدارة بيتحل، فا كان في مشاكل ان اما موجودين او لأ، زي دلوقتي متعلق لي ورقة اني ما دخلش نادى الزمالك، وكتير عاملوها، وبيحصل ده عشان اللي كان في الإدارة سابقاً بيبقى له شعبية وجماهيرية فميرجعش تاني، واحنا موجودين عملنا كده بس بإجراءات قانونية، وانا في نادى الزمالك مكنتش مهتم بقصة الانتخابات ودايمًا كنت احب ابعد عن الحتة الاجتماعية ببعد عنا، لاني عارف ان في يوم من الايام هتحط فيها سواء انتخابات أو منصب في نادى الزمالك وساعتها انا كنت معني أكتر بالكورة".
برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
أمير مرتضى منصور: اتعرض عليا أندية جوه مصر وبره واعتذرت لأني كنت بشتغل حبًا في الزمالك وببلاش
أمير مرتضى منصور: كنت بصرف ملايين على نادي الزمالك من فلوسي الخاصة
أمير مرتضى منصور: كل السفريات والمعسكرات على مدار خمس سنين معايا فواتيرها
كشف أمير مرتضى، المشرف السابق على الكرة بنادي الزمالك، عن عدم تربحه من منصبه في النادي قائلًا: "نادي الزمالك بالنسبة لمجلس الإدارة بيبقى عمل تطوعي، وانا كنت متعين مشرف عام على الكورة، ولو اي حد غيري مفروض يبقى أعلى مرتب وبيوصل لملايين، بياخد زي لاعبى الكرة والمدير الفني، واتعرض عليا أندية جوه مصر وبرة مصر واعتذرت لأصحاب النوادي زي الامارات والسعودية، لكن دي مش شغلتي، أنا كنت بعملها للزمالك ببلاش، ومكنش فيه مرتب شهري ليا، بالعكس أنا كنت بصرف ملايين من فلوسي الخاصة،
وقال أمير مرتضى، خلال استضافته ببرنامج "أسرار" مع الإعلامية أميرة بدر المذاع على قناة النهار: "كل السفريات والمعسكرات اللي على مدار خمس سنين معايا فواتيرها، إقامة وطيارتي ونادى الزمالك متحملهاش، ولما مسكن غيرت اللائحة بتاعة العقوبات والمكافآت، وكانت تن مدير الكرة أو المشرف العام، بياخد 200% أو 300% من المكافأة، يعني لو اللاعب مكافأة الماتش 10 آلاف جنيه، المشرف ياخد 30 ألف جنيه، أنا عدلت اللائحة ولغيتها ليا ولـ اللي بعدي، والمعادلة كانت غلط، لانها كانت ان عضو مجلس الإدارة هو المشرف على الكرة، ومينفعش ان عضو المجلس للنادي يتربح منه، حتى لو بشكل قانوني، ومفيش حد في ظروفي في كل النوادي، مفيش حد أبوه رئيس النادي، ومتشلش من عليا ضغط ان والدي رئيس لنادي الزمالك، لأن للأسف في مصر العمل العام، انت بتبقى فيه عُرضة لأي حاجة، بسبب ان زي ما فيه ناس بتحبك وبتدعمك، فيه ناس بتطلع عليك إشاعات وبتتكلم عليك".
برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
المحمودي يكشف الجاسوس الذى يحاول إفساد صفقة بوبيندزا مع الزمالك كشف الإعلامي محمد المحمودي ، عبر برنامج هاتريك، المذاع على قناة أون تايم سبورتس، ان مسؤولي نادي الزمالك تواصلو مع المهاجم الجابوني ارون بوبيندزا ، لجس نبضه
بالصور متحف نادي الزمالك الجديد بهدية من هاني برزي كشف نادى الزمالك، عن صور متحف بطولات نادي الزمالك، الذى تم إنشاؤه، داخل المقر القلعة البيضاء فى ميت عقبة والتى يتضمن دولاب البطولات، الذى تم تحمل تكلفته المهندس هاني برزي، عضو مجلس
تعليق جوميز فى ختام معسكر الزمالك في برج العرب أعرب البرتغالي جوزيه جوميز المدير الفني للفريق الأول لكرة القدم بنادي الزمالك عن رضاه عن معسكر الأبيض الذي أقيم في برج العرب، استعداداً للموسم الجديد ولمباراتي الشرطة الكيني في دور الـ32 لبطولة
تناول موقع «أخبار الزمالك»
السعيد يقود الزمالك للفوز على الشرطة العراقي في لقاء الخمس أهداف هانى عصام فاز الفريق الأول لكرة القدم بنادي الزمالك على نظيره الشرطة العراقي بثلاثية مقابل هدفين في المباراة التي أقيمت بينهما على الملعب الفرعي لفندق إقامة الأبيض في