مرتضى منصور: ساخوض إنتخابات الزمالك بهذه القائمة ويهاجم هذا الرباعي ويقول لهم انتم اللى حرامية مش انا ويكشف رسالته لحسين لبيب وعبد العزيز

2 ديسمبر 2021 الساعة 9:50 مساء

 
سارة عبد الباقى
أعلن مرتضى منصور رئيس نادي الزمالك عن قراره بالترشح لخوض انتخابات النادي المقبلة على مقعد الرئاسة موضحا أن أسرته ترفض فكرة خوضه  للانتخابات المقبلة. 
وقال مرتضي في حديثه اليوم لأعضاء الجمعية العمومية بالنادي:" قررت خوض الانتخابات المقبلة بناء على رغبتكم بالرغم من رفض أسرتي لخوضي للانتخابات مجددا". ‎وقال :" قمت بتكريم جميع رموز نادي الزمالك بينما قامت اللجان بإلغاء المعاشات، ولكني سوف أقوم بإعادتها وعلى مسؤوليتي الشخصية".  
وتابع: "أشكر القيادة المحترمة لبلدنا على تنفيذ حكم المحكمة بعودة مجلس إدارة نادي الزمالك، وقلت للجميع بإني لن أشتكي بلدي ابدا مهما حدث".  وأضاف: " النادي دخله خلال الفترة الماضية ٤٠٤ مليون جنيه ولم يتم بناء طوبة واحدة في النادي، فأين ذهبت هذه الأموال ؟".  
وقال: "دور اللجان هي تسيير الأعمال وكل العضويات التي تم شطبها قبل ذلك وعادت من خلال اللجان سيتم شطبها كما كانت، وفي حالة الرغبة في عودتها من جديد فعلى العضو التقدم بطلب لمجلس الإدارة كما تنص اللائحة وكل موظف تم فصله سيعود مرة أخرى".  
واختتم قائلا: "بداية من يوم الإثنين المقبل سيتم توزيع كارنيهات على الأعضاء ومن لم يقدر على دفع الإشتراك سنقوم بتقسيطه .‎
مرتضى منصور يهاجم الرباعي ويقول لهم انتم اللى حرامية مش انا وفين فلوس الزمالك يا لبيب 
لميس علي 
 
 
 اكد مرتضى منصور ، رئيس الزمالك إنه سوف يتم إرسال 
 وفد برئاسة امير مرتضى،   لتسوية  قضايا الزمالك بالفيفا انتم فضحتونا كل يوم مفيش فلوس انتم سايبين كان ف الخزينة 900 الف جنيه
وقال رئيس الزمالك -الفضل الأول لعودة مرتضى منصور مرة تانية هم أعضاء الجمعية العمومية، وصوتهم وصل لكل الجهات علشان عودة مجلس المستشار مرتضى منصور
واضاف منصور، فين عمرو أديب دلوقتي، وبقوله مرتضى رجع ياعمر، وكل المخالفات اللى انت اتكلمت عليها اتحطت فين دلوقتي، وفين أحمد شوبير وأحمد موسى، انتوا اللى حرامية احنا اشرف منكم”.
وقال مرتضى منصور - بشكر القيادة السياسية على تنفيذ حكم عودة المجلس، واقسم بالله ما حدث من عودة مجلس مرة أخرى، كان قرار من السيد رئيس الجمهورية نفسه اللى قال مجلس نادي الزمالك يعود مرة أخرى تنفيذًا للحكم، والوزير وافق
واكد رئيس الزمالك ، بنفتح صفحة جديدة مع الوزير، وانا رفضت تمامًا شكوى بلدي في الفيفا وانا نظرت لمصلحة بلدي اكتر من نفسى ومرضتش أوقف النشاط علشان منتحرمش من رؤية محمد صلاح في كأس العالم
-ربنا قال وعزتي وجلالي لأنصرنك ولو بعد حين والحمد لله على نصر الحق
-تلقيت اتصالا منذ عام وأنا متواجد في مقر النادي لإنهاء بعض الأمور المتعلقة بالأعضاء يبلغوني فيه برحيل مجلس الإدارة”.نتظرنا لمدة عام لإجراء أي تحقيقات معنا ولكن لم يحدث لأن المجلس على حق “.
- أشكر أعضاء الجمعية العمومية على دعمها الكامل خلال الفترة الماضية، وكل البطولات التي حققتها جميع الفرق بفضل ربنا ثم مرتضى منصور
-حسين لبيب كان يتواصل معي بعد كل بطولة يحققها النادي ويقول لي أنها بفضل الله ثم مرتضى منصور
-الزمالك أغنى نادي وغير مقبول من أي شخص أن نقول أننا نادي فقير، وسنعمل على ظهور النادي في أفضل شكل خلال الفترة المقبلة
-.منعت السجائر والملابس الغير لائقة وبعد رحيلي الجميع علم جيداً ضرورة أهمية النظام الذي قرر السير به في النادي
-أنا دكتاتور عادل وغير مقبول أي شئ خارج وأي بلطجة أو سجائر أو تحرش لن اقبل به، فالانضباط عاد مرة أخرى للنادي
-معنديش واحدة ابنها مش هيلعب في قطاع الناشئين عشان هي مش حلوة .. انا مش بصفي حسابات انا بصفي وساخات
-.الأخ ميدو زعلان وبيقول متهنش الرموز، وبسالة هل مرتضى منصور رمز للنادي ولا شغال ايه، ومش انت طلعت في البرنامج عندك وقلت يستاهل اللى يحصله علشان اللى عمله مع الأهلي واللجنة الاولمبية
-مش أيمن يونس راح جرى على اللجنة المعينة بعد رحيل المجلس، هو وفاروق جعفر، وحسين السيد
- لميدو قولى حسن شحاتة كلمنى كام مرة السنة اللى فاتت وسأل عليا، دول مش رموز الرموز ماتت أو تعبانة
-.كل اللي اتظلموا هيرجعوا أماكنهم تاني، مينفعش عيل يتخرج من سنتين بياخد 25 ألف جنيه وواحد بقاله 20  سنة بياخد 3 آلاف جنيه ده ظلم .. ازاي واحد مرتبه يبقى 7 آلاف ياخد 30  ده انا السكرتارية بتاعتي على حسابي الخاص
واكد رئيس الزمالك من يوم الاثنين هنبدأ نوزع من 1 الى 30 الف واللي مش معاه كارنيه مش هيدخل نادى الزمالك  .. اللي عليه فلوس هنقسط فلوسه تيسيرا له وهنلغي القيمة المضافة
-مستر إكس لا يموت، واللي شوفته في حياتي محدش شافه، وكنت قاعد مع وزير قبل كدة وقالى لو جبل كان وقع عشان كدة بقول للناس اوعى تيأس من رحمة الله
-ستصبح خزينة النادي بها 200 أو 300 مليون جنيه خلال شهر
-دخل الزمالك خلال السنة اللى فاتت 404 مليون و 370 ألف جنية لخزنة الزمالك، وبقول للجنة حسين لبيب فلوس النادي فين .
-.من دلوقتي مكتبي مفتوح لأصغر طفل في النادي ومفيش واسطة في مقابلتي .. العضو هو سيد النادي والمشجع هو ملك الزمالك
-كنت جاي الزمالك  الخميس اللي فات وحصل حالة الوفاة بتاعة المستشار جلال إبراهيم وكنت عارف انه هيحصل احتفالات وزغاريد قالوا أصله ممنوع من الدخول .. والله العظيم لو كنت عايز ادخل الزمالك  30نوفمبر 2020  محدش كان قادر يمنعني بس أنا بحترم نفسي وبحترم القانون
-حسين لبيب وعماد عبد العزيز موجودين وكل مشكلة واجهت الزمالك  بعت لهم ورقها وهما مبعتوش حاجة للفيفا .. والنقاز قولتله نصاب ومش حيكسب القضية برضوا اتعاقدوا معاه وخد 400  ألف دولار ومشي فري
-عقد محمد إبراهيم اللي عمل عقده انا محوله للنائب العام من سنة ونص وهنحل مشكلته برضو،و حميد أحداد إعارته بـ200  ألف دولار تبيعه انت بـ100  الف دولار
- جميع العضويات التي تم شطبها في وقت سابق وأعادتهم اللجنة سيتم شطبهم من جديد.هناك مشكلة في 14 ألف عضوية بسبب المستحقات المتأخرة، ولكنه سيقسط هذه المبالغ حال تقديم العضو طلبًا بذلك.