الزمالك يتعاقد مع ثلاث أجانب منهم 2 تحت السن وأمير مرتضى بيخلص صفقة ..مهيب عبد الهادي أنهى الإتفاق مع هذا الرباعي وعودة مصطفي فتحي

14 سبتمبر 2022 الساعة 11:32 صباحا

الزمالك يتعاقد مع ثلاث أجانب  منهم 2 تحت السن  وأمير مرتضى بيخلص صفقة


محمود هنداوي  

كشف المستشار مرتضى منصور ، رئيس نادي الزمالك  في مداخلة  هاتفية ببرنامج زملكاوي عبر قناة الزمالك وحديث الصفقات المنتظرة :

قال مرتضى منصور : أمير بيخلص صفقة الان، ونخلص اقوى 3 لاعبين مخلتش لصاحبنا لاعب في السوق اشارة منه للنادي الاهلي وتعثره بإتمام الصفقات...
واكد انه لولا جمهور الزمالك المحترم كنا مشينا حرام عيب اللي بيحصل ، الناس اللي بتكلم على رحيل مروان حمدي، لما يكون فيريرا جايب مهاجم سوبر السوبر من بره وعنده سيف الجزيري وتقول مروان، ممكن لاعب يلعب في اي نادي اخر وهو مش عاوز يلعب بالرمالك، همشي ورا فيريرا ولاهمشي ورا اللي بيهاجموا.

وشدد رئيس الزمالك  أن فيريرا قال مش عاوز مروان حمدي ،  عندي لان الزمالك به  سيف الجزيري والاجنبي الجديد ويوسف اسامه نبيه، الرجل مش عاوز" هيصة  واللعيبه اللي مش عاوزها مشيناها" .

وحاليا احنا بنخلص صفقة مع النادي اللي فيه اللاعب، وتعاقدنا مع أقوى الصفقات، هنحول الفلوس للولد الأجنبي علشان الحساب محجوز عليه.


ووجه رسالته لجمهور الزمالك بطمنكم اأخر صفقة من الصفقات القوية ، لسة  رئيس النادي قافل معايا وخلصناها مع اللاعب، وبنخلص دلوقتي مع النادي امير قاعد معهم مؤكدا تعاقدنا مع مهاجم اجنبي سوبر السوبر، ومضيت على عقد اللاعب الجامد النهاردة

واضاف تعاقد نا أيضا مع 2 اجانب تحت السن غير محترفي الفريق الاول، كل احلام الزملكاوية  أوامر وفي واحد مش لاقي اي صفقة فى إشارة إلى محمود الخطيب  ، رئيس الأهلي .

وعن إلغاء حلقة الاعلامي هاني حتحوت مع اللواء احمد سليمان... اكد ان محمد ابو العينين قال لحتحوت انت جايب سليمان ليه ، مش ده ساقط هو انت بتجيب الساقطين ولا الناجحين وقام لاغي له الحلقة .


عبد الهادي الزمالك خلص ثنائي طلائع الجيش وبيراميدز ورجع مصطفى فتحي

كشف الإعلامي مهيب عبد الهادي ، في تصريحات ببرنامج اللعيب ، على قناة mbc مصر ،   عن صفقات الزمالك فى الموسم القادم واكد ان عمر جابر وقع بالفعل للزمالك ولكن تتبقي  رتوش اخيره بشأن الإتفاق المالي معه، ودونجا تم الإتفاق معه وكذالك مصطفى الزناري من الجيش الى الزمالك رسمي.

والصفقات المحتملة هتكون غالبا مصطفى فتحي، بالرغم من مفاوضات الأهلي معه سابقا وكانو عاوزينه هو وبن شرقي ومحمد صبحي لكن التردد وكل ادارة مسئولة عن تصرفاتها في إشارة لعدم قدرة الاحمر ابرام صفقات..

كما اشار الي جلسة  بين الزمالك ونادي طلائع الجيش لضم عمرو السيسي، مؤكدا ان  الزمالك بيروح في حتة  ويكون في جانب تاني خالص زي ما رقص الناس في صفقة صبحي